MWANAMKE AMLAZA CHOONI KWA SIKU TANO MSICHANA WAKE WA KAZI

NASHINDWA KUJUA NIANZIE WAPI, JANA WAKATI NAANGALIA TAARIFA YA HABARI YA TBC YA SAA MBILI USIKU NILIKUTANA NA HABARI INAYOZUNGUMZIA MWANAMKE KUMLAZA CHOONI MSICHANA WA KAZI. KWANZA SIKUTAKA KUAMINI LAKINI YULE MTOTO ALIVYOELEZEA NA MWENYEKITI WA SERIKALI YA MTAA ALIVYOELEZEA NIKAJIKUTA NAKUWA MPOLE NA MACHO YANGU KUJAA MACHOZI. UNAMLAZA CHOONI MTOTO WA MWANAMKE MWENZIO KWA SIKU TANO HATA KAMA ALIKUWA KAKOSA NINI LAKINI HIYO HAIKUWA ADHABU YA KUKUFANYA UFIKIE HAPO. NASHINDWA KUJUA SISI WANAWAKE TUNA TATIZO GANI MPAKA TUNAFIKIA KUWA WANYAMA WABAYA KIASI HIKI. HEBU FIKIRIA WEWE UNAYESOMA HADITHI HII UNAWASHA TV KUANGALIA TAARIFA YA HABARI HALAFU UANKUTANA NA TAARIFA KUWA MWANAO KALAZWA CHOONI KWA SIKU TANO UTAKUWAJE? HALAFU KUMBUKA SIO CHOO KIZURI KAMA UNACHOFIKIRIA NI CHOO CHA SHIMO CHENYE SAKAFU ILIYO BANDUKABANDUKA HALAFU ANAFANYA DEMO KABISA JINSI ANAVYOLALAGA. MIMI SIJUI WAMAMA TUNAENDA WAPI KWA KWELI, ETI UNATOKA KUOGA MTOTO ANAVUA SKETI YAKE ANAKWENDWA KUZOA MCHANGA ILI AMWAGIE YALE MAJI KULE CHOONI ILI AWEZE KULALA JAMANI JAMANI WANAWAKE HIVI NI KWELI TUMEFIKIA HAPO?? NIMEAMUA KUANDIKA ILI KWA KUWA NAUMIA SANA KILA TATIZO LA ROHO MBAYA NA UKATILI KWA WATOTO MARA NYINGI CHANZO NI SISI WANAWAKE AMBAO TUNAAMBIWA KUWA NI WATU WENYE HURUMA KUPITILIZA, HURUMA YETU IKO WAPI KWENYE HILI?? NAKUMBUKA NILIWAHI KUWEKA POST YA WANAWAKE KUZIDIWA AKILI NA KUKU KWA VITENDO VYAO VYA KUTUPA WATOTO KILA KUKICHA. NADHANI IMEFIKA WAKATI SISI WANAWAKE WENYEWE KUAMUA YA KUFANYA KWA WANAWAKE WA DIZAINI HIYO. JANA WAKATI HABARI INAENDELEA KUNA MWANAMKE ALISEMA "MTOENI TUMFUNDISHE ADABU KIDOGO" KWA KWELI HAKUKOSEA KWENYE HILO. ALITAKIWA KUADABISHWA KIDOGO ILI WENGINE WENYE AKILI MBOVU KAMA ZAKE WAJUE WANACHOFANYA SIO SAHIHI. NIMEANDIKA MENGI SANA ILA NAHISI KWA SABABU YA HASIRA NILIYONAYO KWENYE HILI. WANAWAKE WENZANGU KAMA TUNATAKA MAENDELEO NI KUANZIA NYUMBANI NA SIO KWENYE MACHO YA WATU. MTOTO WA MWENZIO NI MWANAO KWA NINI USIMLINDE? MNATUPA JINA BAYA WANAWAKE WOOOOTE, UTASIKIA WANAUME WANASEMA "WANAWAKE BWANA" HAPO NI KWAMBA TUMEUNGANISHWA WOTE BILA KUJALI NANI WALA NANI. TUNAWEZA KUBADILIKA KAMA TUNAAMUA.